वजन कमी करण्यासाठी आहारात आवश्यक बदल करण्याचा सल्ला दिला जातो. माहितीच्या अभावामुळे काही लोक वजन कमी करण्यासाठी पोळी खाणे बंद करतात, तर काही लोक भातापासून दूर राहतात.पोळी खाल्ल्याने वजन लवकर कमी होते की भात खाल्ल्याने लोकांमध्ये नेहमीच संभ्रम असतो. काही लोक पोळीला वजन कमी करण्यासाठी फायदेशीर मानतात, तर बरेच लोक वजन कमी करण्यासाठी भात आवश्यक मानतात. जर तुम्हाला सांगितले गेले की, दोन्ही गोष्टी पूर्णपणे सत्य नाहीत. तर तुम्हाला नक्कीच धक्का बसेल.
आहारतज्ञांच्या मते, पोळी आणि तांदूळ या दोन्हींच्या पौष्टिक मूल्यांमध्ये फरक आहे. वजन कमी करण्यासाठी दोन्हीचे सेवन केले जाऊ शकते. पूनम डाएट अँड वेलनेस क्लिनिक दिल्लीच्या न्यूट्रिफायच्या संस्थापक पूनम दुनेजा म्हणतात की, पोळी आणि भात दोन्ही वजन कमी करण्यासाठी फायदेशीर आहेत. काहीही न खाल्ल्याने फायदा होणार नाही.
जर तुम्ही आठवड्यातून 4 दिवस पोळ्या खाल्ल्यास 2 दिवस भात खा. अशा प्रकारे आहारात विविधता ठेवा. निरोगी लोक वजन कमी करण्यासाठी दोन्ही गोष्टींचे सेवन करू शकतात. पोळी आणि भाताच्या पौष्टिक मूल्यांमध्ये खूप फरक असून मधुमेहासह गंभीर आजार असलेल्या रुग्णांनी काळजी घ्यावी. तसेच वजन कमी करण्यासाठी कधीही उपाशी राहू नये, अन्यथा आरोग्याच्या समस्या उद्भवू शकतात.
कोणत्या प्रकारची पोळी आणि भात फायदेशीर आहे? आहारतज्ज्ञ पूनम दुनेजा सांगतात की, नाचणी, ज्वारी आणि बाजरीची भाकरी वजन कमी करण्यासाठी गव्हापेक्षा जास्त फायदेशीर मानली जाते. या भाकरीचा ग्लायसेमिक इंडेक्स कमी असतो, त्यामुळे इन्सुलिनची पातळी वेगाने वाढत नाही. त्यात फायबर आणि प्रथिनेही जास्त प्रमाणात असतात.
ज्वारी, बाजरी आणि नाचणीपासून बनवलेल्या भाकरी अतिशय पौष्टिक असतात. त्यामुळे वजन कमी होण्यास मदत होऊ शकते. भाताबद्दल बोलायचे झाले तर तुम्ही ब्राऊन राइस खाऊ शकता. पाणी काढून टाकल्यावर पांढरा भातही खाऊ शकतो.मात्र पोळी असो वा भात, दोन्हीचे प्रमाण निश्चित केले पाहिजे. अशा लोकांनी भात आणि पोळ्या खाऊ नये डायटीशियन पूनम यांच्या मते, पोळीमध्ये ग्लूटेन असते तर भात ग्लूटेन फ्री असतो. ज्या लोकांना ग्लूटेन इंटॉलरन्स किंवा ग्लूटेन सेन्सिटिव्हिटी आहे, त्यांनी पोळी कमी खावी आणि भात जास्त घ्यावा. याशिवाय मधुमेहाच्या रुग्णांसाठी भातापेक्षा पोळी जास्त फायदेशीर आहे.
