महामानव संस्थेच्यावतीने अशोक नागटिळक यांचे वाढदिनी स्नेहग्रामला किराणा- धान्याची मदत ,
अशी ही सामाजिक बांधिलकी

अशोक नागटिळक महाराज यांचा वाढदिवस सामाजिक उपक्रम म्हणून साजरा

बार्शी |

बार्शी तालुक्यातील गुळपोळी येथील मानवता बहुउद्देशीय सामाजिक संस्थेचे संस्थापक अध्यक्ष अशोक नागटिळक महाराज यांच्या वाढदिवसानिमित्त स्नेहग्राम कोरफळे येथील मुलांना किराणा, धान्य व खाऊ फळे वाटप करुन वाढदिवस सामाजिक उपक्रमाने साजरा करण्यात आला. त्याचबरोबर विविध सामाजिक उपक्रमांतून संस्थेने सामाजिक दातृत्व जपले. अशोक नागटिळक यांचा वाढदिवस स्नेहग्राम कोरफळे, प्रार्थना फाऊंडेशन सोलापूर , जय तुळजाभवानी माता प्राथमिक आश्रम शाळा तुळजापूर येथे सामाजिक उपक्रम राबवून साजरा करण्यात आला.

अशोक नागटिळक महाराज यांनी समाजातील वंचित मुलांना मायेला ओलावा मिळावा, भूकेचा प्रश्न लक्षात घेऊन स्नेहग्रामला ही मदत दिल्याचे यावेळी सांगितले.
कार्यक्रमाचे अध्यक्ष उर्मिला काकी देशमुख तर प्रमुख पाहुणे बबनराव कटकर तर प्रमुख उपस्थिती बापू
नागटिळक हे होते.

अशोक नागटिळक महाराज यांचा सत्कार उर्मिला देशमुख , बबनराव कटकर यांच्या हस्ते करण्यात आला. त्यावेळी विविध मान्यवरांचे सत्कार करण्यात आला. यावेळी स्नेहग्रामच्या मुलांना अशोक नागटिळक यांचे अभिष्टचिंतन केले. याप्रसंगी मानवता बहुद्देशीय सामाजिक संस्थेचे सचिव बापू नागटिळक, उपाध्यक्ष गौतम नागटिळक, महामानव बहुद्देशीय सामाजिक संस्थेचे संस्थापक अध्यक्ष भैरवनाथ चौधरी, किरण खुरंगळे , निलेश गिराम , आप्पा स्वामी , सूरज रसाळ , विष्णू शिंदे , महेश जाधव , अरविद आतकरे, सुजित काळे, गणेश लंगोटे , श्याम जाधव, किरण डोलारे, रितेश नागरगोजे , अभिराज नागटिळक , संकेत कानवळे, आदित्य माने, राजेश स्वामी , सारिका स्वामी आदि मान्यवर उपस्थित होते.

या कार्यक्रमाचे कार्यक्रम आयोजन महामानव बहुउद्देशीय सामाजिक संस्थेच्या वतीने करण्यात आले होते. यावेळी कार्यक्रमाची प्रस्तावना भैरवनाथ चौधरी, सूत्रसंचालन राजेश स्वामी तर आभार प्रदर्शन किरण खुरंगळे यांनी केले.