शालेय शिक्षणमंत्री दिपक केसरकरहीडिजिटल मिडिया अधिवेशनास येणार

नमस्कार,डिजिटल मिडिया संपादक पत्रकार संघटना महाराष्ट्राच्या पहिल्या ऐतिहासिक अधिवेशनास राज्यभरातून अभूतपूर्व प्रतिसाद मिळत असतानाच राज्याचे शालेय शिक्षण, मराठी राजभाषा मंत्री तसेच मुंबई आणि कोल्हापूरचे पालकमंत्री दिपक केसरकर अधिवेशनास प्रमुख पाहुणे म्हणून उपस्थित राहणार असल्याचे निश्चित झाल्याने अधिवेशन संयोजन समिती आणि पत्रकारांमध्ये आनंद व्यक्त होत आहे.अधिवेशनाचे उदघाटन मुख्यमंत्री एकनाथराव शिंदे यांच्या हस्ते हस्ते तर उच्च व तंत्रशिक्षण, वस्त्रोद्योग आणि सांसदीय कार्यमंत्री चंद्रकांतदादा पाटील यांच्या अध्यक्षतेखाली महाबळेश्वर भिलार येथे शनिवार दि.२९ ऑक्टोबर रोजी पार पडत आहे.अधिवेशनाचे स्वागताध्यक्ष उत्पादन शुल्क मंत्री तसेच ठाणे व साताऱ्याचे पालकमंत्री शंभूराजे देसाई व स्वागत कार्याध्यक्ष माजी राज्यपाल खा.श्रीनिवास पाटील आहेत.प्रमूख पाहुणे म्हणून श्रीमंत छत्रपती खा.उदयनराजे भोसले यांची उपस्थिती या आधीच निश्चित झाली आहे. काल रात्री सावंतवाडी मुक्कामी असलेल्या ना.दिपक केसरकर यांच्याशी संघटनेचे कोकण विभाग अध्यक्ष सागर चव्हाण यांनी संपर्क साधून अधिवेशनास उपस्थित राहण्याची विनंती केली आणि त्यांनी ती मान्य केली. सागर चव्हाण यांनी कॉन्फरन्स फोन कॉल द्वारे सातारा जिल्हा अध्यक्ष विकास भोसले व माझ्याशी ना केसरकर यांचे बोलणेही करुन दिले.निमंत्रण स्वीकारल्या बद्दल आम्ही त्यांचे आभार मानले.आपणास दीपावली नववर्षाच्या मनःपूर्वक शुभेच्छा! -राजा माने,अध्यक्ष, डिजिटल मिडिया संपादक पत्रकार संघटना महाराष्ट्र, मुंबई.