जी-७ बैठकीला उपस्थित राहण्यासाठी पंतप्रधान नरेंद्र मोदी दोन दिवसांच्या जर्मनी दौऱ्यावर आहेत. आज सोमवारी त्यांच्या दौऱ्याचा दुसरा आणि शेवटचा दिवस आहे. जर्मनीत राहणाऱ्या भारतीयांनी पंतप्रधान मोदींचे जोरदार स्वागत केले. यादरम्यान पंतप्रधान मोदी म्युनिकमध्ये परदेशी भारतीयांच्या कार्यक्रमात सहभागी झाले होते. जिथे त्यांनी आपल्या भाषणात भारताच्या कामगिरीचा उल्लेख केला.
जर्मनीमध्ये जागतिक नेत्यांसोबत प्रसिद्ध झालेल्या छायाचित्रांमध्ये पंतप्रधान मोदींबद्दलचा आदर आणि भारताच्या वाढत्या उंचीचेही मोठे दर्शन घडले. पंतप्रधान नरेंद्र मोदी यांनी सोमवारी अमेरिकेचे राष्ट्राध्यक्ष जो बायडेन आणि फ्रान्सचे राष्ट्राध्यक्ष इमॅन्युएल मॅक्रॉन आणि कॅनडाचे पंतप्रधान जस्टिन ट्रूडो यांची जर्मनीत भेट घेतली. या भेटीचा एक व्हिडिओ सोशल मीडियावर मोठ्या प्रमाणात व्हायरल झाला आहे.
या व्हिडिओमध्ये अमेरिकेचे राष्ट्राध्यक्ष जो बायडेन पंतप्रधान मोदींशी हस्तांदोलन करण्यासाठी धावले. व्हिडिओमध्ये स्पष्टपणे दिसत आहे की, जेव्हा पीएम मोदी कॅनडाचे पंतप्रधान जस्टिन ट्रूडो यांच्याशी बोलत होते, त्याचवेळी अमेरिकेचे राष्ट्राध्यक्ष त्यांना भेटायला पोहोचले आणि त्यांना मागून त्यांची पाठ थोपटली, त्यानंतर त्यांनी त्यांच्याशी हस्तांदोलन केले. यावेळी त्यांच्यासमोर अनेक दिग्गज नेते होते, मात्र बायडेन थेट पंतप्रधान मोदींना भेटण्यासाठी आले.
या भेटीचा व्हिडिओ चर्चेत आहे. जर्मनीमध्ये जागतिक नेत्यांसोबत जारी केलेल्या छायाचित्रांमध्ये, तीनही नेत्यांसोबत पीएम मोदींची अप्रतिम केमिस्ट्री दिसत आहे. याशिवाय आणखी एक चित्र चर्चेत आहे ज्यामध्ये पीएम मोदी आणि फ्रान्सचे राष्ट्राध्यक्ष इमॅन्युएल मॅक्रॉन यांच्या चहापानावर चर्चा होत आहे.
#WATCH | US President Joe Biden walked up to Prime Minister Narendra Modi to greet him ahead of the G7 Summit at Schloss Elmau in Germany.
(Source: Reuters) pic.twitter.com/gkZisfe6sl
— ANI (@ANI) June 27, 2022
