बार्शीत जागतिक फोटोग्राफर दिन उत्साहात, पोलीस निरीक्षकांनी केलं कौतुक

बार्शी :

फोटोग्राफर व व्हिडिओग्राफर असोसिएशनच्या वतीने पोलीस बांधवांचा स्नेह मेळावा आयोजन करून जागतिक फोटोग्राफर दिन साजरा करण्यात आला. यावेळी नुतन पोलीस निरीक्षक आण्णासाहेब मांजरे हे कार्यक्रमाच्या अध्यक्ष स्थानी उपस्थित होते. यावेळी, पजोटोग्राफरच्या कामाचं त्यांनी कौतुक केलं.

“सद्राक्षणाय खलनिग्रहनाय” असं म्हणत कायम समाजात शांतता राहावी.समाज कायम गुन्हेगारी आणि भय मुक्त राहावा यासाठी पोलीस बांधव सदैव तैनात असतात. आपण आपल्या घरी सण उत्सव आनंदाने साजरे करतो. कारण आपले पोलीस बांधव – भगिनी आपल्यासाठी दिवसरात्र काम करतात. त्याबद्दल कृतज्ञता म्हणून शुक्रवारी बार्शी फोटोग्राफर व व्हिडीओग्राफर असोसिएशनच्या वतीने बार्शी शहर स्टेशनच्या सर्व पोलीस अधिकारी, कर्मचारी यांचा सत्कार समारंभ आयोजित करण्यात आला होता.

याप्रसंगी पो. नि. आण्णासाहेब मांजरे यांनी आपल्या मनोगतात फोटोग्राफर असोसिएशनला सर्वतोपरी मदत करण्याचे आश्वासन दिले तसेच पोलीस बांधवांनाही असोसिएशनने सामजिक सहकार्य करावे ही विनंती केली. कार्यक्रमाचे सूत्रसंचालन मंगेश दहिहंडे यांनी केले. तर आभार असोसिएशनचे अध्यक्ष जमीर कुरेशी यांनी मानले. असोसिएशनच्या वतीने सर्व पोलीस बांधवांना अल्पोपहार देण्यात आला. कार्यक्रम यशस्वीतेसाठी यांनी परिश्रम घेतले.